कारखाना कार्यक्षेत्रात ऊसाचे उत्पादन वाढावे यासाठी जयवंत आदर्श कृषी योजनेसह विविध ऊस विकास योजनांचे सखोल व गुणात्मक परिक्षण करुन कारखान्याने नेहमीच शेतकरी सभासदांचे हित साधले आहे. आपले जीवाणू खत प्रकल्प, गांडूळखत प्रकल्प व कंपोस्ट बॅगींग या खतांना कृषी विभाग, महाराष्ट्र शासन यांचेकडून राज्यात विक्री करणेचा परवाना प्राप्त झाला आहे. कारखाना जीवाणू खत प्रकल्पामध्ये आपण द्रवरूप खतांचे बरोबरच जैविक किड व बुरशीनाशकांचे उत्पादन सुरु केले आहे. सदरची सर्व जैवीक किडनाशके व बुरशीनाशके केंद्रीय किटनाशक बोर्ड, दिल्ली यांचे मानकानुसार तयार केली जातात.
" आपल्या कारखान्यामार्फत सभासद शेतकर्यांना उसाचे जास्तीत जास्त उत्पादन घेता यावे यासाठी आवश्यक मार्गदर्शन केले जाते .."
य.मो.कृष्णा सहकारी साखर कारखाना व कृष्णा कृषी परिषद यांच्या संयुक्त विध्यमानाने वर्षभर ऊस पीक परिसंवाद आयोजित केले जातात, यामध्ये ऊस उत्पादक शेतकर्यांना उसाचे एकरी उत्पादन, पीक नियोजन, शंका-समाधान, झीरो बजेट शेती या सोबत अनेक शेतीशी निगडीत विषयांवरती मार्गदर्शन केले जाते.
साळशीरंबे ता.कराड येथे दिनांक 14/06/2023 रोजी य.मो.कृष्णा सहकारी साखर कारखाना व कृष्णा कृषी परिषद यांच्या संयुक्त विद्यमाने शेतकरी मेळावा पार पडला.
जखिणवाडी येथे दिनांक 09/06/2023 रोजी कृष्णा कृषी परिषद मेळावा मा.अशोकराव थोरात भाऊ अध्यक्ष यांचे उपस्थितीत शेतकरी मेळावा पार पडला.
नारायणवाडी येथे दिनांक 16/06/2023 रोजी य.मो.कृष्णा सह.साखर कारखाना व कृष्णा कृषी परिषद यांचे संयुक्त विद्यमाने कृषी मेळावा पार पडला.
कृष्णा जैविक व सेंद्रिय उत्पादने
हे जीवाणू वनस्पतीच्या आतील तसेच बाहेरील भागात राहून नत्र स्थिरीकरण करतात हे जीवाणू अंतरप्रवाही असलेलेन स्थिर केलेल्या नत्राचा पीक वाढीमध्ये सर्वाधिक वापर होतो. याच्या वापरामुळे ५० % पर्यंत नत्र खतांची बचत होते
हे जीवाणू पिकांच्या मुळाभोवती राहून हवेतील मुक्त नत्र घेऊन पिकांना उपलब्ध करून देतात. हे जीवाणू वेगवेगळ्या पद्धतीने आम्ल तयार करून जमिनीचा सामू (PH) कमी करतात. यामुळे स्फुरदयुक्त खतांची व नत्र खतांची २५% बचत होते.
हे जिवाणू जमिनी-मध्ये स्थिर स्वरुपात असणारे पालाश विघटन करुन उपलब्ध स्वरुपात पाण्यात विरघळवून पिकाच्या मुळाजवळ नेण्याचे कार्य करतात. हा स्थिर पालाश पिकांना उपलब्ध करण्यासाठी कृष्णा पोटॅश मोबिलायझर हे जिवाणू संवर्धक वापरावे.
हे जिवाणू जमिनीमध्ये पिकाच्या मुळाभोवती राहून सहजीवी पध्दतीने हवेतील नत्र स्थिर करण्याचे कार्य करतात. हे जिवाणू सर्व द्विदलीय (शेंगवर्गीय) पिके उदा. भुईमुग, सोयाबीन, हरभरा इत्यादी पिकांचे अधिक उत्पादन व प्रत वाढवितात.
हे जैव संजिवक असून सर्व पिकांच्या विविध वाढीच्या अवस्थांमध्ये उपयुक्त आहे. कृष्णा शक्तीसोबत सुक्ष्म अन्नद्रव्ये, कीटकनाशके, बुरशीनाशके व जिवाणू खते इत्यादी घटकांच्या फवारणीमुळे कार्यक्षमता वाढण्यास मदत होते.
कृष्णा ह्युमिक हे पर्यावरणाला अनुकुल व पूर्णतः निसर्गात उपलब्ध असणाऱ्या खनिजांपासून निर्माण केले आहे. हे ह्युमस तसेच फल्वीक अॅसिड व पोटॅशयुक्त आहे. जमिनीतील जलधारणा शक्ती वाढविते. जमिनीची भौतिक, रासायनिक व जैविक सुपिकता वाढविते.
ऊस पिकामधील सुक्ष्म अन्नद्रव्यांची कमतरता याद्वारे भरून निघते. त्यामुळे पिकाची सर्वागीण वाढ होते. सदर सुक्ष्म अन्नद्रव्यांच्या फवारणीस शेतकऱ्यांचा भरगोस प्रतिसाद मिळत आहे.
हे परिणामकारक सुक्ष्म जंतू, नैसर्गिक सजीव व उपयुक्त अशा जिवाणूंचा समावेश असलेले द्रावण आहे. हे द्रावण रासायनिक पदार्थ अथवा कृत्रिमरित्या तयार केलेले जिवाणू यांचा वापर नसलेले व पिकांना हानी न होता उपयुक्त असणारे आहे.
हे कारखान्यातील प्रेसमड केक, शेतातील काडीकचरा, ऊसाची पाचट व इतर सेंद्रिय पदार्थ जलद गतीने कुजविणारे कार्यक्षम जिवाणू आहेत. द्रवरुप कंपोस्ट कल्चर जिवाणू संवर्धकामध्ये ४ प्रकारचे जिवाणू व ६ प्रकारच्या बुरशी असल्यामुळे २.५ ते ३ महिन्यांत उत्कृष्ठ कंपोस्ट खत तयार होते.
कृष्णा बव्हेरिया हे पर्यावरणपुरक जैविक बुरशीनाशक आहे. यामुळे सर्व पिकांवरील रस शोषणाऱ्या व पतंगवर्गीय, मिलिबग, पांढरी माशी, मावा, घाटे अळी, केसाळ अळी, तुडतुडे, गेंड्याभुंगेरा, हुमणी व खोडकिडा इत्यादी किडींच्या जैविक नियंत्रणासाठी प्रभावीपणे काम करणारी ही एक मित्र बुरशी आहे.
कृष्णा व्हर्टीसिलियम हे पर्यावरणपुरक जैविक बुरशीनाशक असून सर्व पिकांवरील रस शोषणाऱ्या व पतंगवर्गीय, मिलिबग, पांढरी माशी, मावा, तुडतुडे, फुलकिडे, पिठ्या ढेकूण, खवले किड, कोळी, हुमणी व खोडकीड इत्यादी किडींच्या जैविक नियंत्रणासाठी प्रभावी ठरणारी हि एक मित्र बुरशी आहे.
सर्व पिकांवरील रस शोषणाऱ्या व पतंगवर्गीय, मावा, घाटे अळी, केसाळ अळी, पाने खाणारी अळी, पाने गुंडाळणारी अळी, पायरीला, तुडतुडे, गेंड्याभुंगेरा, हुमणी व खोडकिडा इत्यादी ३०० प्रकारच्या किडींच्या जैविक नियंत्रणासाठी प्रभावी ठरणारी ही एक मित्र बुरशी आहे.
द्रवरुप सल्फो हे ऊस व सर्व पिकांसाठी अत्यंत उपयुक्त आहे. द्रवरुप सल्फो हे नत्र व स्फुरदाची उपलब्धता वाढवते. तसेच हरितद्रव्य व प्रकाश संश्लेषण प्रक्रिया वृद्धीसाठी प्रयत्न करते. याचबरोबर यामुळे प्रथिने व अॅमिनो अॅसिड तयार होऊन पिकांची रोगप्रतिकारक शक्ती वाढविते.
हे जमिनीतील स्थिर लोह व जस्त हे पोषक घटक विरघळविण्याबरोबर हरितद्रव्य व प्रकाश संश्लेषण क्रियेत सहभाग घेऊन पानांचा रंग गर्द हिरवा करते. तसेच केवडा रोग सुधारणेसाठी व स्फुरद उपलब्धता वाढविणेसाठी मदत करते.
कृष्णा सिलिको हे अद्वितीय जिवाणूंचा संघ आहे जो मातीतून सिलिकेट्स विरघळण्याबरोबर पोटॅश व फॉस्फेट विरघळण्यासही मदत करतो. त्यामुळे जमिनीची सुपिकता व पिकाचे उत्पादन वाढवते. तसेच पिकाची प्रकाश संश्लेषण क्रिया वृद्धीचे कार्य करते.
कृष्णा द्रवरुप ट्रायकोडर्मा हे द्रवरुप कंपोस्ट खत तयार करणारे व रोगप्रतिबंधक ट्रायकोडर्मा जिवाणू संवर्धक आहे. हे बुरशीनाशक जमिनीतील सेंद्रिय पदार्थांवर मोठ्या प्रमाणात वाढतात व इतर अपायकारक रोग जिवाणूंची वाढ नियंत्रीत करतात.
कृष्णा सुडो हे ऊस व सर्व पिकांसाठी अत्यंत उपयुक्त आहे. पर्यावरणाला अनुकुल जैविक रोग नियंत्रक जिवाणू आहे की जो बिया आणि माती मधून होणाऱ्या रोगांवर परिणामकारक आहे. हे जिवाणू जैव रसायने निर्माण करतात ज्यामुळे रोगांवर नियंत्रण मिळवता येते.
व्हॅम बिजाणू पिकाच्या मुळाशेजारी उगवल्यानंतर बुरशीसारखे धागे तयार करतात, त्यातील एक किंवा अनेक धाग्यांची टोके मुळाच्या त्वचेमधून रोपात प्रवेश करतात व रोपांना अन्न, पाणी वाहणाऱ्या नलिकेपर्यंत जलदगतीने पोहोचतात.
गांडूळ खत हे गांडूळाची अंडी आणि त्यांची विष्ठा यांनी परिपुर्ण सेंद्रिय खत आहे. या खतामुळे जमिनीचा पोत सुधारतो. जमिनीच्या भौतिक, रासायनिक आणि जैविक गुणांमध्ये वाढ होते.
या खतामध्ये प्रेसमड, स्पेंटवॉश, कृष्णा अॅसिटोबॅक्टर, अॅझोफॉस्फो, केएमबी, रायझोफॉस्फो, ट्रायकोडर्मा, फिशमिल, पोल्ट्रीसीट यांच्या योग्य मिश्रणातून तयार केलेले परिपुर्ण सेंद्रिय खत आहे.
